Av Forskerforum
Publisert 11. februar 2015 kl. 10:08
Alle musea under stiftinga Norsk Folkemuseum var sentrale arenaer for Grunnlovsjubileet, og feiringa resulterte i rekordbesøk i 2014.
Stiftinga omfattar Eidsvoll 1814, Norsk Folkemuseum, Bygdø Kongsgård, Ibsenmuseet og Bogstad Gård. Totalt besøkte 633 708 personar musea, nesten 50 prosent fleire enn i 2013.
Den nyrestaurerte Eidsvollsbygningen var ei viktig årsak til dei gode tala, skriv Norsk Folkemuseum. Her måtte det haldast omvisingar kvart tiande minutt.
