Forskerforum
Hamburgermeny
Forskerforum-logo
Mobilmeny
Forskerforum
Forskerforum-logo

Debatt

Tilsette på NTNU føler dei held hjula i gang til tross for personlig risiko og store strukturelle utfordringar

Prorektor Tor Grande ved NTNU kallar «faste midlertidige» ein meiningslaus beskrivelse. Dette viser at han ikkje forstår situasjonen, meiner Kristian Kobbenes Starheim.

Prorektor ved NTNU Tor Grande kjem i Forskerforum med ei rekke utsegner som viser at alt er som før ved NTNU. 

Han kallar «faste midlertidige» ein meiningslaus beskrivelse. Dette viser at han ikkje forstår situasjonen. Argumentasjonen hans viser vidare at han kanskje heller ikkje har vilje til å undersøke kvar frustrasjonen kjem ifrå. 

Les mer: Prorektor ved NTNU mener begrepet «faste midlertidige» er misvisende: – En meningsløs beskrivelse

Grande må ta varsla frå fagmiljøa på alvor. Meldingane har kome i mange år frå tilsette som føler dei held hjula på NTNU i gang til tross for personlig risiko og store strukturelle utfordringar. 

I dei biomedisinske faga er det ikkje realistisk at instituttet og dei større fagmiljøa skal ta ansvar for finansiering på den måten Grande skisserer. Det er lite finansiering, søknadsrundane er svært avhengig av enkeltforskarar, og tilslaga er svært usikre. Hverken stillingane eller finansieringa er tilpassa arbeidssituasjonen i biomedisinsk forsking. Grande sine beskrivingar manglar kontakt med røynda.

Føresetnadane for god forsking og utdanning varierer veldig mellom fagdisiplinar. Det er to svært ulike ting å drive forskning innan Grande sitt fagfelt Kjemi, og mitt fagfelt som er eksperimentell biomedisin. Det er stor ulikskap også innan den medisinske forskinga også, der klinisk og eksperimentell forsking har svært ulike dynamikkar. 

Ein kan ikkje presse ein modell ned over alle fagfelt. Ein kan ikkje forvente at andre fagfelt har like utfordringar og arbeidssituasjon som fagfelta ein kjenner godt. 

NTNU må analysere kva føresetnader dei ulike disiplinane treng for å gjennomføre forsking og utdanning på høgt nivå. Kor lange er prosjekta, kva tilsette trengs, kor mange personar på kvart prosjekt? Dette vil vere ei kunnskapsbasert tilnærming som vil føre til bedre forvalting av økonomiske og menneskelige ressursar, samt bedre forsking og utdanning. 

Først når vi ser ei kunnskapsbasert tilnærming til eiga verksemd kan NTNU igjen bli rekna som ein seriøs kunnskapsinstitusjon. 

Les mer:

Professor Dan Banik og forskningsminister Eileen Fugelsnes i samtale på Forskningspolitisk seminar 2026. Foto: Julia Loge

«Jeg kom til Norge fra India en augustdag i 1991. Døren jeg gikk inn gjennom, lukkes litt mer for hvert statsbudsjett». Professor Dan Banik har fire anbefalinger til Stortinget.

Når det stormar rundt eit museum, må styret femne om direktøren og dei tilsette

Kan KI tenke nytt om naturen?

Universiteter trenger ledere, ikke politikere

Goodwins lemfeldige hastverksarbeid

En KI-håndbok må også vise hvor grensene går

Vivian Anette Lagesen og Knut H. Sørensen

Hva mister vi hvis Kilden kjønnsforskning legges ned?

Kva fridom sit lærestadene att med? Fridomen til å kutte sjølv.

Lukk meny